Samevrópskur rannsóknarhópur um sauðfjárriðu hefur sent frá sér samantekt (PDF) um þær niðurstöður sem þegar liggja fyrir um áhrif mismunandi breytileika í príonpróteininu sem hafa áhrif á mótstöðu íslenskra kinda gagnvart íslenskum riðustofnum.
Niðurstöðurnar byggja annarsvegar á umbreytingargetu íslenskra riðustofna á mismunandi arfgerðir prionpróteinsins í íslensku sauðfé (in vitro PMCA næmirannsóknir) og hinsvegar á faraldsfræðilegum gögnum um samsetningu arfgerða prionsgensins í 14 íslenskum riðuhjörðum á árabilinu 1997-2023.
Þessar niðurstöður gefa vísbendingu um verndargildi einstakra arfgerða. Lagðar eru fram tillögur um hvaða gripum mætti þyrma við riðuniðurskurð og hvaða gripi gæti verið óhætt að flytja milli búa m.t.t. arfgerða þeirra.
Niðurstöður þessara rannsókna voru m.a. kynntar á nýafstöðnum fundum, „Ræktun gegn riðu – Fræðslufundir“.
Í rannsóknarhópnum sem stendur að skýrslunni eru í stafrófsröð:
- Angélique Igel (INRAE)
- Christine Fast (Friedrich-Loeffler-Institut)
- Eva Hauksdóttir (Keldur)
- Eyþór Einarsson (RML)
- Gesine Lühken (Justus-Liebig-Universität)
- Karólína Elísabetardóttir (Hvammshlíð)
- Romolo Nonno (Istituto Superiore di Sanità)
- Stefanía Þorgeirsdóttir (Keldur)
- Vilhjálmur Svansson (Keldur)
- Vincent Béringue (INRAE)
Karólína Elísabetardóttir hélt utan um textaskrif.
Þar sem skýrslan er á ensku fylgja hér með nokkrar orðskýringar:
- allele, haplotype = (gena)samsæta
- amplify = umbreytast, "smitast" (í PMCA-prófum)
- codon = sæti
- genotype = arfgerð
- polymorphism = breytileiki
- variant = breytileiki
- protective = verndandi
- susceptible = næmt
- prevalence = hlutfall sýktra gripa í hjörðinni
- significant = marktækt (tölfræðilega), þ.e. niðurstaðan er ekki tilviljun (með 95% öryggi)
- lymph nodes = eitlar
- tissue = vefur (úr líkamanum)
- oral = í gegnum munn
- classical scrapie = (hefðbundin, smitandi) riða, þ.e. ekki Nor98/atýpisk riða
- (scrapie) strain = riðustofn
- isolate = smitefni
- dilution = þynning
- Western Blot = aðferð til að greina riðu -> mynd með bandamynstri ("bandpattern")
Hér að neðan eru myndir sem teknar voru á á bændafundi í Þingborg 30.10.23.
